As the first flower of spring, the daffodil is a symbol of hope. To the American Cancer Society, it represents the hope we all share for a future where cancer is no longer a life-threatening disease. – American Cancer Society

Spring break na ni Anakis. Isang araw, kahahatid ko pa lang kay Inday and I was having my breakfast nang lumabas ng kwarto si Anakis.

“Taytay, I want to tell you something”.  Seryoso ang dating ni Anakis (syet!) Ayoko ng ganito, di pa ko handa dito.  Ang tanging kaligayahan ko na lang sa buhay ko ay mapagtapos ng pag-aaral ang anak ko. Eto na siguro yung isang bagay na kinakatukan kong magyari. I have to be strong at ako na mismo ang nag tanong.

“Tell me, anak, are you pregnant?”

Biglang humagulgol ng iyak si Anakis.  Syet uli. Tama nga siguro ang kutob ko.  ” No that’s not it…  My Mom has breast cancer.”

Naawa naman ako itsura ni Anakis.  “She’s going to have a mastectomy,” dagdag pa nito.

Sa isang parte ng aking isipan ay may nagbukas na isang puting tabing.  Isang trailer ng teleserye ang kasalukuyang pinapakita.  Doon ay napansin ko si Joel Torre na malayo ang tingin. Wala namang tinatanaw at tila ba malalim ang inisip.  Habang pinapaikot sa mukha nya ang focus ng kamera ay patanong na nagsasalita ang anouncer. (with matching music, ha.)

Dapat ka bang mahabag sa isang taong yumurak sa iyong pagkatao?

Dapat mo bang ikatuwa ang sinapit nito dahil kahit minsa’y hindi mo magawang hindi mag-isp ng masama?

Dapat mo bang isiping ito’y bunga ng isang sumpa o di kaya ay isang kaparusahan?

Dapat ka bang magpatawad kahit sa huling sandali man lamang?

Kailan Ba Dapat Maantig Ang Isang Damdamin?

daffodils-001

4 Responses to “Kailan Ba Dapat Maantig Ang Isang Damdamin?”

Leave a Reply